जबर्जस्ती करणी अभियोगमा काठमाडौंबाट एक जना पक्राउ   

काठमाडौं, फागुन ६ : जबर्जस्ती करणी गरेको अभियोगमा काठमाडौंबाट एक जना पक्राउ परेका छन् । १७ वर्षीया किशोरीलाई जबरजस्ती करणी गरेको अभियोगमा चन्द्रागिरी नगरपालिका–१० सिप्रदीमा डेरा गरी बस्ने खोटाङ खिदिम गाउँपालिका–७  का १९ वर्षीय सागर राई बुधबार साँझ पक्राउ परेका हुन् । 

राईले ती किशोरीलाई डरत्रास देखाई पटक पटक जबर्जस्ती करणी गर्ने गरेको खुलासा भएको छ ।

महानगरीय प्रहरी प्रभाग बलम्बुबाट खटिएको प्रहरीले उनलाई पक्राउ गरेको हो ।