सहकारीबाट ३ लाख ३३ हजार २५० रुपैयाँ चोरी

काठमाडौं, फागुन ५ :  बचत तथा ऋण सहकारी संस्थाबाट गए राति तीन लाखभन्दा बढी रकम चोरी भएको छ ।  काठमाडौं महानगरपालिका–१६ वनस्थलीस्थित धान्यान्चल बचत तथा ऋण सहकारी संस्था लिमिटेडबाट नगद ३ लाख ३३ हजार २ सय ५० रुपैयाँ चोरी भएको हो ।

सहकारीमा कोही नभएको अवस्थामा दराजभित्र रहेको सेफबाट उक्त रकम चोरी भएको बताइएको छ ।  प्रहरीले चोरीमा संलग्न व्यक्तिहरूको खोजी र आवश्यक अनुसन्धान गरिरहेको छ ।