प्रतिनिधिसभा निर्वाचन नहुने दाहालको दाबी

चितवन, फागुन ३ :  नेपाल कम्युनिस्ट पार्टी (नेकपा) दाहाल–नेपाल समूहका अध्यक्ष पुष्पकमल दाहालले  प्रतिनिधिसभा चुनाव नहुने दाबी गरेका छन् । भरतपुर विमानस्थलमा आज पत्रकारसँग कुरा गर्दै दाहालले चुनाव नहुने दाबी गरेका हुन् ।

उनले भने, ‘चुनाव हुँदैन । तपाईँहरु प्रस्ट हुनुहोस्, प्रतिनिधिसभा विघटन चुनाव गर्न लागि गरिएको कदम होइन ।’

त्यस्तै केपी शर्मा ओली नेतृत्वको सरकारको गरेको प्रतिनिधिसभा विघटनको कदम  राष्ट्र, जनता,  लोकतन्त्र र संघीय गणतन्त्रको हित विपरीत रहेको उनको भनाइ छ । उनले ओली नेतृत्वको सरकारले लामो समयको संघर्ष र बलिदानबाट प्राप्ति उपलब्धि धरापमा पारेको आरोप लगाए । उनले भने, ‘ती उपलब्धि, संविधान र लोकतन्त्र रक्षाका लागि नै हामी सडक आन्दोलनमा छौं ।’