संघीयता र गणतन्त्रको रक्षा गर्न विदेशी शक्तिलाई गुहार्नुपर्दैन : भट्ट

काठमाडौं, फागुन १ :  नेकपा (ओली) पक्षका नेता लेखराज भट्टले  संघीयता र गणतन्त्रको रक्षा गर्न विदेशी शक्तिलाई गुहार्नुपर्ने अवस्था नभएको बताएका छन् । भट्टले बुटवलमा आयोजित कार्यक्रममा सम्बोधन गर्दै केपी शर्मा ओली नेतृत्वको सरकार संघीयता र गणतन्त्रको रक्षा गर्न सक्षम भएकाले  विदेशी शक्ति गुहार्नु नपर्ने बताएका हुन् । 

उनले नेकपा दाहाल–नेपाल समूहले संघीयता र गणतन्त्र रक्षा गर्न नसक्ने तर्क गरे । उनले भने, ‘उहाँहरु गणतन्त्र र संघीयताको रक्षाका गर्न विदेशी शक्ति गुहार्दै हुनुहुन्छ ।’

उनले केपी ओली शर्मा नेतृत्वको नेकपाले संघीयता र गणतन्त्रको रक्षा गर्दै समृद्ध नेपाल र सुखी नेपालको नारा पूरा गर्ने दाबी गरे । उनले भने, ‘केपी शर्मा ओली नेतृत्वको नेकपाले गणतन्त्र र संघीयताको रक्षा गर्छ । कुनै विदेशी शक्तिलाई गुहार्नुपर्दैन ।’