सुदूरपश्चिम प्रदेश सभामा सांसदको कविता– हुँदैन सुखी नेपाली समृद्ध नेपाल चाहे रहून् ओली चाहे रहून् दाहाल 

काठमाडौं, माघ २६ : सुदूरपश्चिम प्रदेशसभाको हिउँदे अधिवेशनअन्तर्गतको पहिलो बैठक आजबाट सुरु भएको छ ।

बैठकमा  कृष्णबहादुर चौधरीले कविताबाट आफ्नो भनाइ राखे । उनले संसदमा सुनाएको कविताको शीर्षक छ–

                        नैतिकताको खडेरी

बच्चा त जन्मायौ तिमीले हुर्कनै नदिई मारिदियौ घाँटी थिची
बुढेसकालमा कसले पाल्ला ? छिटौ पछुताउनेछौ रुनेछौ छाती पिटीपिटी 

हुँदैन सुखी नेपाली समृद्ध नेपाल चाहे रहून् ओली चाहे रहून् दाहाल
हुन् पात्र उही छ प्रवृत्ति उही अन्यथा होइन आम नेपालीको बुझाइ छ सही ।

चौधरीले सुदूरपश्चिमले निर्मला पन्त, भागरथी भट्टलगायतको हत्याराको खोजी गरी पीडित परिवारलाई न्याय दिन माग गरे ।

सुदूरपश्चिम प्रदेशसभाको अर्को बैठक फागनु ६ गति बिहीबार बस्ने भएको छ ।