धारिलो हतियारले दाइको हत्या गरेको अभियोगमा एक जना पक्राउ    

काडमाडौं, माघ २३ : धारिलो हतियार प्रयोग गरी दाइको हत्या गरेको अभियोगमा एक जना पक्राउ परेका छन् । आफ्नै ४६ वर्षीय दाइ चेतबहादुर बम्जनको हत्या गरेको अभियोगमा सिन्धुली मरिण गाउँपालिका–३ मथौली बस्ने ४० वर्षीय मानबहादुर बम्जन बिहीबार दिउँसो पक्राउ परेका हुन् ।

मानबहादुरले बन्चरोको पासो र खुकुरी प्रहार गर्दा चेत बहादुरको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय सिन्धुली र इलाका प्रहरी कार्यालय कपिलाकोटबाट खटिएको प्रहरीले मानबहादुरलाई पक्राउ गरेको हो । 

प्रहरीले उनीमाथि थप अनुसन्धान गरिरहेको छ ।