कुटपिट गरी साढुदाइको हत्या गरेको अभियोगमा एक जना पक्राउ

काठमाडौं,  माघ १५  : साढु दाइ नाता पर्नेलाई कुटपिट गरी हत्या गरेको अभियोगमा एक जना पक्राउ परेका छन् । रोल्पाका ४३ वर्षीय मानबहादुर विकको कुटपिट गरी हत्या गरेको अभियोगमा घोराही उपमहानगरपालिका–१६ गरूवाका ३६ वर्षीय दिनेश सार्की बुधबार दिउँसो पक्राउ परेका हुन् ।

दिनेशले सोमबार कुटपिट गर्दा गम्भीर घाइते भएका मान बहादुरको मेडिकल कलेज कोहलपुर बाँकेमा उपचारको क्रममा बिहीबार बिहान मृत्यु भएको हो ।  

प्रहरीले दिनेशमाथि थप अनुसन्धान गरिरहेको छ ।