नम्बर प्लेट परिवर्तन गरेर चोरीको मोटरसाइकल चलाउने एक जना पक्राउ

काठमाडौं, माघ १५ : महानगरीय ट्राफिक प्रहरी महाशाखाले राजधानीमा हुने मोटरसाइकल चोरी नियन्त्रणउपर चलाएको विशेष अप्रेसनबाट आज चोरीका मोटरसाइकलसहित १ जना पक्राउ गरेको छ  । पीडित सहायता इकाइबाट सादा पोसाकमा खटिएको ट्राफिक प्रहरी टोलीले मनमैजुबाट नम्बर प्लेट परिवर्तन गरी प्रदेश३–०२–००८प७८७२ नम्बरको कालो रङको २२० सिसीको पल्सर मोटरसाइकलसहित १ जनालाई पक्राउ गरेको  हो ।

पक्राउ पर्नेमा जिल्ला नुवाकोट सूर्यगढी गाउँपालिका–४ घर भई हाल तारकेश्वपर नगरपालिका– ८ जरंखु बस्ने ३३ वर्षीय विष्णु तामाङ रहेका छन् । अनुसन्धानको क्रममा उक्त मोटरसाइकलको वास्तविक नं. प्रदेश३–०२–०१२प६८३६ खुल्न आएको छ । काठमाडौं टोखा नगरपालिका–८ बस्ने राजेन्द्र पाण्डेले मोटरसाइकल  हराएको भनी यस महाशाखामा निवेदन दिएका थिए ।