चितवनमा ट्रकले मोटरसाइकललाई ठक्कर दिँदा एक जनाको मृत्यु
भरतपुर, कात्तिक २६ : चितवनमा ट्रकले मोटरसाइकललाई ठक्कर दिँदा एक जनाको मृत्यु भएको छ। बुधबार बिहान पूर्वपश्चिम राजमार्गअन्तर्गत खैरहनी नगरपालिका–१ तरकारी चोकमा ना ३...
भरतपुर, कात्तिक २६ : चितवनमा ट्रकले मोटरसाइकललाई ठक्कर दिँदा एक जनाको मृत्यु भएको छ।
बुधबार बिहान पूर्वपश्चिम राजमार्गअन्तर्गत खैरहनी नगरपालिका–१ तरकारी चोकमा ना ३ ख ५५४ नम्बरको ट्रकले विपरीत दिशाबाट जाँदै गरेको ना ५३ प ९७५३ नम्बरको मोटरसाइकलाई ठक्कर दिएको हो।
ठक्करबाट डोल्पा घर भई खैरहनी नगरपालिका-६ बस्ने २४ वर्षीय अर्जुन गुरुङको मृत्यु भएको प्रहरीले जनाएको छ। जिल्ला प्रहरी कार्यालय चितवनले दिएको जानकारी अनुसार ट्रकको ठक्करबाट घाइते मोटरसाइकल चालक गुरुङको उपचारका क्रममा पुरानो मेडिकल कलेजमा मृत्यु भएको थियो।
ठक्कर दिने ट्रक र चालकलाई प्रहरीले नियन्त्रणमा लिएको छ।
प्रकाशित मिति: २१:२८ बजे, बुधबार, कात्तिक २६, २०७७
प्रतिक्रिया दिनुहोस्
थप समाचार
