राहत बोकेर बागलुङ हिँडे गृहमन्त्री

काठमाडौं, भदौ १८ : गृहमन्त्री रामबहादुर थापा 'बादल' बागलुङको बाढीग्रस्त क्षेत्र हिँडेका छन्। नेपाली सेनाको हेलिकोप्टरमार्फत उनी राहत बोकेर बागलुङ हिँडेका हुन्।

उनको टोलीमा बागलुङका सांसद देवेन्द्र पौडेल र राष्ट्रिय विपद प्राधिकरणका सिइओ अनिल पोखरेल पनि रहेको गृह मन्त्रालयले जनाएको छ।

बाग्लुङको ढोरपाटन नगरपालिकामा बुधबार राति पहिरो जाँदा १० जनाको मृत्यु भएको छ। ४१ जना अझै बेपत्ता रहेका छन्।