बारा, पर्सा र रौतहटका थप एक सय १० जनामा कोरोना संक्रमण पुष्टि

काठमाडौं, भदौ १८ : नारायणी अस्पतालको प्रयोगशालामा गरिएको परीक्षणमा थप एक सय १० जनामा कोरोना संक्रमण पुष्टि भएको छ।

बुधबार राति आएको रिपोर्ट अनुसार पर्साका ६९, बाराका २४ र रौतहटका १७ जनामासंक्रमण पुष्टि भएको हो।

जसमध्ये वीरगन्ज महानगरपालिकाका ४९, बहुदरमाई नगरपालिकाका पाँच, पर्सागढी नगरपालिकामा सात र पोखरीया नगरपालिकाका चार जना रहेका छन्।

यस्तै बाराको कलैया उपमहानगरपालिकाका २४ जना र रौतहटको यमुनामाई गाउँपालिकाका १७ जनामा संक्रमण पुष्टि भएको हो।

यो सँगै पर्सामा कोरोना संक्रमितको संख्या दुर्इ हजार तीनसय ४४ पुगेको छ।