रुपन्देहीमा आईसीयूमा उपचाररत कोरोना संक्रमित पुरुषको मृत्यु 

बुटवल, भदौ १७ : रुपन्देहीमा कोरोना संक्रमणबाट थप एक जनाको मृत्यु भएको छ। 

कोरोना संक्रमणबाट बुटवल उपमहानगरपालिका–६ सब्जीमण्डीका ५७ वर्षीय पुरुषको भैरहवास्थित भीम अस्पतालमा उपचारका क्रममा बुधबार दिउँसो मृत्यु भएको हो ।

भदौ १५ गतेदेखि आईसीयूमा उपचाररत ती पुरुष मुटुका रोगी रहेको अस्पतालका सूचना अधिकारी डा. नारायण पोखरेलले जानकारी दिए। 

उनका अनुसार ती पुरुषलाई बुधबार दिउँसो ३ बजे हृदयघात भएको र साढे ३ बजे मृत्यु भएको हो।  यस्तै, मृतककी श्रीमतीको पनि आईसीयूमै राखेर उपचार भइरहेको सूचना अधिकारी पोखरेलले बताए।