रौतहटका पुजारीको हत्या आरोपमा दुई जना पक्राउ

काठमाडौं, भदौ १५ : रौतहटको पुजारीको हत्या अभियोगमा संलग्न दुई जनालाई प्रहरीले पक्राउ गरेको छ। पक्राउ पर्नेमा देवाही गोनाही नगरपालिकाका रामनरेश पटेल र बालकुमार पटेल छन्।

उनीहरुलाई भारतीय प्रहरीको सहयोगमा बिहारबाट पक्राउ गरी रौतहट ल्याइएको हो।

माधवनारायण नगरपालिका–२, खेसरहियास्थित हनुमान मन्दिरका पुजारी श्रीराम साहको  भदौ ३ गते राति हत्या भएको थियो। खाना खान लागेका पुजारीको गोली हानी हत्या भएको थियो।

घटनाको प्रारम्भिक अनुसन्धानमा पुजारीको हत्या धार्मिक कारण नभएको देखिएको प्रहरीले जनाएको छ।