जंगी अड्डामा कार्यरत सेनाका जवानले गरे आत्महत्या

काठमाडौं, भदौ १४ : नेपाली सेनाको जवानले आफैले बोकेको हतियार प्रयोग गरी आत्महत्या गरेका छन्। 

जंगी अड्डामा कार्यरत तनहुँको रानीपोखरी स्थायी ठेगाना भएका एक जवानले आत्महत्या गरेको नेपाली सेनाले जनाएको छ ।

उनले बिहान २ः४५ बजे आत्महत्या गरेका सेनाद्वारा जारी विज्ञप्तिमा उल्लेख छ।

घटनाबारे मृतकको आफन्तलाई खबर गरि शव पोष्टमार्टमको लागि त्रिवि शिक्षण अस्पताल महाराजगञ्ज पठाइएको सेनाले जनाएको छ।