कोरोना संक्रमितको उपचारको लागि सरकारले तीनै तहमा थप्यो ६ हजार दुई सय दुई बेड

काठमाडौं, भदौ १२ : सरकारले कोरोना संक्रमितको उपचारका लागि ६ हजार दुई सय दुई बेड थपेको छ।

स्वास्थ्य मन्त्रालयका प्रवक्ता डाक्टर जागेश्वर गौतमका अनुसार तीनै तहमा संक्रमितको उपचारको लागि बेड थपिएको हो। जसअनुसार केन्द्रमा एक हजार, प्रदेशमा एक हजार ९ सय ५७ र स्थानीय तहमा ३ हजार २ सय ४५ बेड थपिएको छ।

साथै, ६ सय ४९ वटा पालिकाहरूमा संक्रमितको उपचारको लागि पाँच वटा बेडको दरले अस्पताल तयार गरिएको उनले बताए।

देशभर संक्रमितको संख्या बढ्दै गएपछि सरकारले संक्रमितको उपचारका लागि अस्पतालको व्यवस्थापन गर्न थालेको छ।