पछिल्लो २४ घण्टामा कोरोना संक्रमणबाट थप १२ जनाको मृत्यु 

काठमाडौं, भदौ १२ : कोरोना भाइरसको संक्रमणबाट नेपालमा थप १२ जनाको मृत्यु भएको छ।  

शुक्रबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा‍. जागेश्वर गौतमले पछिल्लो २४ घण्टामा कोरोना संक्रमणबाट थप १२ जनाको मृत्यु भएको जानकारी दिए।  

प्रवक्ता गौतका अनुसार कोरोना संक्रमणबाट मोरङका ५६ र ६५ वर्षीया, भक्तपुरकी ६४ वर्षीया महिला र मकवानपुरकी ७१ वर्षीया महिला तथा उदयरपुरका ५२, पर्साका ७२, धनुषाका ४५, सिरहाका ५५ र झापाका ८३ वर्षीय, चितवनको ५१, कास्कीका ५२ र रुपन्देहीको ६० वर्षीय पुरुषको उपचारका क्रममा मृत्यु भएको हो।  

योसँगै नेपालमा कोरोना संक्रमणबाट मृत्यु हुनेको संख्या १९५ पुगेको छ।

नेपालमा शुक्रबार ९२७ जनामा कोरोनाको संक्रमण पुष्टि भएको छ। नेपालमा कोरोना संक्रमितको संख्या ३६ हजार ४५६ पुगेको छ। संक्रमितमध्ये २० हजार २२४ जना निको भएर घर फर्किएका छन्।