लेखापाल व्यवसायीहरुको अन्तर्राष्ट्रिय सम्मेलन बिहीबारदेखि 

काठमाडौं, चैत २०ः दक्षिण एसियाली लेखा व्यावसायी महासंघ (साफा) को अन्तर्राष्ट्रिय सम्मेलन बिहीबारदेखि काठमाडौंमा सुरु हुँदैछ।

‘सक्षम व्यवसायिक वातावरण र आर्थिक विकास’ भन्ने नाराका सुरू हुन लागेको सम्मेलनमा अन्तर्राष्ट्रिय  व्यापार अवसर चुनौती, राष्ट्रको उन्नतिमा वैदेशिक सहायताको भूमिका र दीर्घकालिन विकासबारे छलफल हुने आयोजक नेपाल चार्टर एकाउन्टेन्स संस्थाले जनाएको छ।

बुधबार पत्रकार सम्मेलन गरी नेपाल चार्टर एकाउन्टेन्स संस्थाले बिहीबारदेखि शनिबारसम्म चल्ने सम्मेलनमा २ सय ५०  भन्दा राष्ट्रिय तथा अन्तर्राष्ट्रिय लेखा व्यवसायी सहभागी हुने बताएको हो। चैत २१ गते साफाको ५८ औं बोर्ड बैठकको आयोजना गर्ने र बैठकमा नीतिगत तथा रणनीतिगत सन्दर्भहरुमा छलफल गर्ने तयारी रहेको आयोजकले जनाएको छ।