चितवनमा ४६ जनासहित ५० जनामा देखियो कोरोना संक्रमण 

काठमाडौं, भदौं २ : चितवनमा थप ४६ जनामा कोरोना संक्रमण पुष्टि भएको छ ।

भरतपुर अस्पतालको कोरोना प्रयोगशालामा गरिएको परिक्षणमा चितवनका ४६ जनासहित ५० जनामा कोरोना पुष्टि भएको हो।

अस्पतालले भदौ १ गते ३५५ नमुना परिक्षण गरेकोमा ५० जनाको पोजेटिभ आएको जानकारी दिएको हो ।

प्रयोगशाला प्रमुख डाक्टर नितु अधिकारीले दिएको जानकारी अनुसार  नयाँ संक्रमितहरुमा चितवन जिल्लाका ४६ जना रहेका छन् भने मकवानपुरका एक जना, बाराका दुई जना र गोरखाका एक जना रहेका छन्।