थप ४६८ जनामा कोरोना संक्रमण पुष्टि

काठमाडौं, साउन ३१ :  नेपालमा थप  ४६८ जनामा कोरोना भाइरसको संक्रमण पुष्टि भएको छ। 

शनिबार विभिन्न प्रयोगशालामा गरिएको परीक्षणमा थप ४६८ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।

योसँगै नेपालमा कोरोना संक्रमितको संख्या २६ हजार १९ पुगेको छ। संक्रमितमध्ये १७ हजार २०१ जना निको भएर घर फर्किएका छन्।

प्रवक्ता गौतमका अनुसार शनिबारमात्रै कोरोनालाई जितेर १२४ जना घर फर्किएका छन्।