रुपन्देहीमा थप ११ जनामा कोरोनाको संक्रमण पुष्टि

बुटवल, साउन ३० : रुपन्देहीमा थप ११ जनामा कोरोना भाइरस संक्रमण पुष्टि भएको छ।

शुक्रबार नेशनल प्याथ ल्याब बुटवलमा गरिएको परीक्षणमा थप ११ जनामा कोरोनाको संक्रमण पुष्टि भएको हो। संक्रमितहरु बुटवल उपमहानगरपालिकाका ५ जना र सिद्धार्थननगर नगरपालिकाका ६ जना रहेका छन्।

योसंगै रुपन्देहीमा कोरोना संक्रमितको संख्या ४ सय १७ पुगेको छ। संक्रमितमध्ये ३२८ जना निको भएर घर फर्किएका छन् भने ७७ जनाको अस्पतालमा उपचार भइरहेको छ।