खोटाङमा माटोको ढिस्कोले पुरिएर एक महिलाको मृत्यु 

खोटाङ, चैत ११: खोटाङको साकेला गाउँपालिका-४ हुपापुमा माटोको ढिस्कोले पुरिएर एक महिलाको मृत्यु भएको छ। 

साकेला गाउँपालिका-५ कामिसरामा रहेको भिरमा रातो माटो खन्ने क्रममा सोमबार दिउँसो माथिबाट ढिस्को खस्दा पुरिएर साकेला गाउँपालिका-४ की ३५ वर्षीय तारा खड्काको मृत्यु भएको हो।

खड्काको शव पोष्टमार्टमका लागि जिल्ला अस्पताल खोटाङ पठाइएको इलाका प्रहरी कार्यालय मात्तिमविर्ताले जनाएको छ।