गण्डकी प्रदेशका थप १६ जनामा कोरोना संक्रमण पुष्टि

काठमाडौं, साउन ६ : गण्डकी प्रदेशमा थप १६ जना कोरोना संक्रमित थपिएका छन्। क्षयरोग उपचार केन्द्र पोखरामा गरिएको परीक्षणमा मंगलबार थप १६ जनामा संक्रमण पुष्टि भएको हो।

गण्डकी प्रदेशको स्वास्थ्य निर्देशनालयका अनुसार संक्रमितमध्ये ७ जना स्याङजाका, लमजुङमा ६ जना र बागलुङका तीन जना रहेका छन्।

योसहित गण्डकी प्रदेशमा कोरोना संक्रमितको संख्या १३ सय ४५ पुगेको छ।