कर्णाली प्रदेशका थप सात जनामा कोरोना संक्रमण पुष्टि

काठमाडौं, साउन २ : कर्णाली प्रदेशमा शुक्रबार कोरोनाका सात जना संक्रमित थपिएका छन्। 

सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला, दैलेख अस्पताल प्रयोगशाला र रुकुम पश्चिमको चौरजहारी प्रयोगशालामा गरिएको परीक्षणमा गत २४ घण्टामा थप ७ जनामा कोरोना संक्रमण पुष्टि भएको हो। 

सामाजिक विकास मन्त्रालयका स्वास्थ्य सेवा महाशाखाका अनुसार संक्रमितमध्ये दैलेखका पाँच, सल्यानका एक र रुकुम पश्चिमका एका जना रहेका छन्। 

यससँगै कणार्ली प्रदेशमा कोरोना संक्रमितको संख्या १ हजार ७३३ पुगेको छ।

त्यस्तै गत २४ घण्टामा कर्णाली प्रदेशबाट पाँचजना कोरोनामुक्त भई डिस्चार्ज भएका छन्। 

यससँगै कर्णाली प्रदेशमा डिस्चार्ज हुनेको संख्या १ हजार ४९३ पुगेको छ।