भारतमा दुई दिनमा ५१ हजार संक्रमित 

काठमाडौं, असार २६ : भारतमा दुई दिनमा ५१ हजारभन्दा बढीलाई कोरोना भाइरसको संक्रमण पुष्टि भएको छ ।

विहीबार २५ हजार ५७१ जनालाई संक्रमण भएकोमा शुक्रबार बिहान यो समाचार तयार पार्दा पछिल्लो २४ घण्टामा २५ हजार ८०३ जना संक्रमित भएका हुन् ।

योसँगै भारतमा कोरोना संक्रमितको संख्या ७ लाख ९४ हजार ८५५ पुगेको छ । यस्तै संक्रमणले मृत्यु हुनेको संख्या २१ हजार ६२३ पुगेको छ ।

भारतमा हालसम्म झण्डै ५ लाख संक्रमित उपचारपछि घर फर्केका छन् ।