गण्डकी प्रदेशका थप १७ जनामा कोरोना संक्रमण पुष्टि

काठमाडौं, असार २२ : गण्डकी प्रदेशमा थप १७ जनामा कोरोना संक्रमण पुष्टि भएको छ। क्षयरोग उपचार केन्द्र पोखरा र पोखरा स्वास्थ्य विज्ञान प्रतिष्ठानमा गरिएको परीक्षणमा सोमबार थप १७ जनामा संक्रमण पुष्टि भएको हो। 

सामाजिक विकास मन्त्रालय स्वास्थ्य निर्देशनालय गण्डकी प्रदेशका अनुसार संक्रमितहरुमा लमजुङका ११, कास्कीका एक र बागलुङका पाँच जना रहेका छन्। जसमध्ये दुुई महिला र १५ पुरुष रहेका छन्। 

नयाँ संक्रमण पुष्टि भएका सबैलाई सम्बन्धित जिल्लाहरुमा रहेको आइसोलेसनमा लैजाने तयारी भइरहेको निर्देशनालयले जनाएको छ।

योसँगै गण्डकी प्रदेशमा कोरोना संक्रमितको संख्या ११ सय १३ पुगेको छ।