ललितपुरमा थप दुई जनामा कोरोनाको संक्रमण पुष्टि
काठमाडौं, असार २१ : ललितपुरमा थप दुई जनामा कोरोना भाइरसको संक्रमण पुष्टि भएको छ।
आइतबार महाराजगञ्जस्थित त्रिवि शिक्षण अस्पतालको ....
काठमाडौं, असार २१ : ललितपुरमा थप दुई जनामा कोरोना भाइरसको संक्रमण पुष्टि भएको छ।
आइतबार महाराजगञ्जस्थित त्रिवि शिक्षण अस्पतालको प्रयोगशालामा गरिएको परीक्षणमा ललिपुरका थप दुई जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।
योसँगै नेपालमा कोरोनाबाट संक्रमित हुनेको संख्या १५ हजार ७ सय ८४ पुगेको छ। कोरोनाको संक्रमणबाट अहिलेसम्म ३५ जनाको मृत्यु भएको छ भने संक्रमितमध्ये हालसम्म ६ हजार ५ सय ४७ जना निको भएर घर फर्किएका छन्।
प्रवक्ता गौतमका अनुसार आइतबारमात्रै कोरोनालाई जितेर १२३ जना घर फर्किएका छन्।
प्रकाशित मिति: १६:३५ बजे, आइतबार, असार २१, २०७७
प्रतिक्रिया दिनुहोस्
थप समाचार
