शोक प्रस्ताव पारित गर्दै संसद बैठक स्थगित
काठमाडौं, असार १७ : प्रतिनिधिसभा बैठक शोक प्रस्ताव पारित गर्दै स्थगित भएको छ।
बुधबार दिउँसो १ बजे बसेको संसद बैठक कांग्रेस सांसद....
काठमाडौं, असार १७ : प्रतिनिधिसभा बैठक शोक प्रस्ताव पारित गर्दै स्थगित भएको छ।
बुधबार दिउँसो १ बजे बसेको संसद बैठक कांग्रेस सांसद ज्ञानकुमारी छन्त्यालको निधनप्रति शोक प्रस्ताव पारित गर्दै स्थगित भएको हो। मुटुसम्बन्धी रोगबाट पीडित सांसद छन्त्यालको बुधबार बिहान उपचारका क्रममा गंगालाल राष्ट्रिय हृदयरोग केन्द्रमा निधन भएको थियो।
बागलुङकी कांग्रेस नेतृ छन्त्याल कांग्रेसको तर्फबाट समानुपातिक सांसद बनेकी थिइन्। प्रतिनिधिसभाको अर्को बैठक असार २२ गते १ बजे बस्नेछ।
यस्तै, राष्ट्रियसभा बैठक पनि सांसद छन्त्यालको निधनप्रति शोक प्रस्ताव पारित गर्दै बिहीबार दिउँसो १ बजेसम्मका लागि स्थगित भएको छ।
प्रकाशित मिति: १३:५४ बजे, बुधबार, असार १७, २०७७
प्रतिक्रिया दिनुहोस्
थप समाचार
