बूढानीलकण्ठ नगरपालिकामा पार्किङ गरी राखेको बसमा आगजनी

काठमाडौं, जेठ २७ :  काठमाडौंको बुढानीलकण्ठ नगरपालिका–१० कपन नजिक पार्किङ गरी राखेको बा २ ख ६२२६ नम्बरको बसमा आज अपरिचित व्यक्तिले आगजनी गरेका छन्। आगलागीबाट बस पूर्णरुपमा जलेर नष्ट भएको छ । 

अपरिचित व्यक्तिले उक्त बसमा आगजनी गरेको भन्ने खबर प्राप्त हुनासाथ महानगरीय प्रहरी प्रभाग कपनबाट खटिएको प्रहरीले स्थानीयको सहयोगमा आगो नियन्त्रणमा लिएको थियो। फरार व्यक्तिहरुको खोजी गर्नुका साथै घटनाबारे प्रहरीले अनुसन्धान थालेको छ।