विश्व वातावरण दिवसमा बूढानीलकण्ठका दुई वडामा वृक्षरोपण

काठमाडौं, जेठ २३ : विश्व वातावरण दिवसको अवसरमा बुढानीलकण्ठ नगरपालिकाको दुई वडामा वृक्षरोपण गरिएको छ ।

कम्युनिटी केयर नेपालद्वारा गरिएको वृक्षारोपणमा वडा नं ४ को सहकार्यमा धन्ये ढिकुरो क्षेत्रमा र वडा नं ८ को सहकार्यमा रुद्रमति फुस्रेपाखामा वृक्षरोपण भएको हो।

दुई वडामा गरी कुल एक सय वटा लप्सी, कपुर, बकैना, भकटे, अमला, रातकी रानी र कोइरालो बिरुवा रोपिएको कम्युनिटी केयर नेपालका सहसचिव सन्जित थापाले बताए।

वृक्षरोपण कार्यक्रममा वडा नं ४ का वडाअध्यक्ष राजु खड्का, सदस्य श्रीराम के सी र वडा नं ८ का सदस्य माधव पौडेल लगायत स्थानीय समाजसेवीहरुको उपस्थिती रहेको थियो।