नेप्से १३ अङ्कले बढ्यो

काठमाडौं, चैत ३ : नेपाल स्टक एक्सचेञ्ज (नेप्से) परिसूचकमा दोहोरो अङ्कको सुधार देखिएको छ। आज नेप्से परिसूचक १३ दशमलव ५१ अङ्कले बढेर दुई हजार ८१२ दशमलव ३४ बिन्दुमा कायम भएको छ।

आज ३४० कम्पनीको तीन करोड ४८ लाख ५२ हजार ७६० कित्ता शेयर एक लाख छ हजार १४० पटक खरिद–बिक्री हुँदा रु १२ अर्ब तीन करोड ४४ लाख छ हजार ३२८ बराबरको कारोबार भएको नेप्सेले जनाएको छ।

आजको कारोबारमा बैङ्किङ ०.८४, विकास बैङ्क ०.६४, जलविद्युत् १.५९, लगानी ०.६१, उत्पादन तथा प्रशोधन ०.२९ र म्युचुअल फन्ड ०.३६ प्रतिशले बढेको छ भने अरू सबै समूहको उपसूचक घटेको छ। 

वित्त ०.१९, होटल तथा पर्यटन ०.१७, जीवन बिमा ०.३१, लघुवित्त ०.२६, निर्जीवन बिमा ०.०३, व्यापार ०.२१ र अन्य समूह ०.१० प्रतिशतले घटेको छ।

रिलाइन्स स्पिनिङ मिल्स लिमिटेड र सोलु हाइड्रोपावर लिमिटेडको शेयर मूल्यमा आज सकारात्मक सर्किट लागेको छ । सबैभन्दा धेरै गुमाउनेमा भने एनआइसी एसिया ग्रोथ फन्ड–२ को शेयर मूल्य चार दशमलव ७४ प्रतिशतले घटेको छ।

कारोबार रकमका आधारमा आज सबैभन्दा धेरे रिदी पावर कम्पनी लिमिटेडको ५६ करोड ३७ लाख ६१ हजार ७२५ बराबरको शेयर किनबेच भएको छ। कारोबार भएका शेयर सङ्ख्याका आधारमा सबैभन्दा धेरै शिवश्री हाइड्रोपावर लिमिटेडको १९ लाख २३ हजार ७४ कित्ता शेयर किनबेच भएको छ।