राष्ट्रियसभा सदस्यमा गृहमन्त्री अर्याल सिफारिस

काठमाडौं, चैत १ : राष्ट्रियसभा सदस्यमा गृहमन्त्री ओमप्रकाश अर्याल सिफारिस भएका छन् । 

आइतबार बसेको मन्त्रिपरिषद्को बैठकले उनलाई रिक्त रहेको एकजना सदस्यका लागि सिफारिस गरेको हो ।

राष्ट्रियसभा सदस्यमा मन्त्रिपरिषद्को सिफारिसमा नियुक्त हुने एक पद रिक्त रहेको थियो । उक्त पदमा सरकारले अर्यालको नाम सिफारिस गरेको हो ।

सरकारले गरेको सिफारिसअनुसार राष्ट्रपतिले मनोनित गर्ने संवैधानिक व्यवस्था रहँदै छ ।