रुकुमका जनताको सपनालाई पूरा गर्न जनार्दन शर्माको सुझाव

काठमाडौं, फागुन २५ : प्रगतिशिल लोकतान्त्रिक पार्टीका नेता जनार्दन शर्माले रुकुमका जनताको सपनालाई पूरा गर्न लोकतान्त्रिक मूल्यका आधारमा अगाडि बढ्न नवनिर्वाचित पार्टीका उम्मेद्वारहरुलाई सुझाव दिएका छन् ।

सोमबार सामाजिक सञ्जालमा एक भिडियो सन्देशमार्फत नेकपाबाट विजयी भएका गोपाल शर्मालाई बधाई दिँदै उनले सुशासनयुक्त रुकुम बनाउन र रुकुमका जनताको सपनालाई पुरा गर्न लोकतान्त्रिक मूल्यका आधारमा अगाडि बढ्न सुझाव दिएका हुन् ।

‘रुकुम पश्चिमको जनताको आवश्यकता पुरा गर्ने, निर्माणाधीन योजनाहरु सम्पन्न गर्ने र गरिब वा बेरोजगारमुक्त, विभेदरहित, सुशासनयुक्त रुकुम बनाउन साथै रुकुमेलीको सपनालाई पुरा गर्न लोकतान्त्रिक मूल्यका आधारमा अगाडि बढ्न सुझाव समेत दिन चाहन्छु,’ उनले भिडियोमा भनेका छन्.

रुकुमलाई सामाजिक न्याय र समानतायुक्त समाज निर्माण गर्न, समृद्ध रुकुम निर्माण गर्न सबै एकताबद्ध भएर योगदान गर्ने विश्वास रहेको बताए ।