टोखामा दुई मोटरसाइकल आपसमा ठोक्किँदा दुईजनाको मृत्यु

काठमाडौं, जेठ ११ : काठमाडौंको टोखा नगरपालिका–२ पञ्चेटारमा आइतबार बिहान मोटरसाइकल दुर्घटना हुँदा दुई जनाको मृत्यु भएको छ। मृत्यु हुनेमा स्थानीय मनोज दुलाल र पासाङ तामाङ रहेका छन्।

विपरीत दिशाबाट आइरहेको मोटरसाइकल आपसमा ठोक्किँदा भएको दुर्घटनामा दुवै मोटरसाइकलको मृत्यु भएको महानगरीय प्रहरी कार्यालय काठमाडौंका प्रमुख प्रहरी नायब महानिरीक्षक विश्वराज पोखरेलले जानकारी दिए।

बिहान ५ बजे बा८५प ५६६ र बा९१प ११८८ नंको मोटरसाइकल आपसमा ठोक्किँदा भएको दुर्घटनामा गम्भीर घाइते भएका उनीहरुको उपचारका क्रममा महाराजगञ्जस्थित शिक्षण अस्पतालमा मृत्यु भएको हो। दुर्घटनामा अन्य तीन घाइते भएका छन्। घाइते मध्ये समान्य घाइते भएकाको ग्रिनसिटी अस्पताल र गम्भीर घाइते भएकाको ग्राण्डी अस्पतालमा उपचार भइरहेको प्रहरीले जनाएको छ।