नबोदित कलेजको ३३ औँ अभिभावक दिवसमा प्रविधिमूलक शिक्षाको चर्चा
नवोदित विद्या कुञ्ज उच्च माध्यामिक विद्यालयको ३३ औँ अभिभावक दिवसका अवसरमा आज काठमाडौंमा आयोजित कार्यक्रममा उनले मुलुकको विकासका लागि प्रविधि र सीपमूलक शिक्षा आवश्यक रहेको बताएका हुन् । उनले विद्यार्थीको शैक्षिक गुणस्तर वृद्धि गर्न विद्यार्थी, शिक्षक र अभिभावकबीच सहकार्य आवश्यक रहेको उल्लेख गरे ।
काठमाडौँ, फागुन ९ : मानवसेवा आश्रमका संस्थापक एवं वरिष्ठ समाजसेवी रामजी अधिकारीले मुलुकको विकासका लागि प्रविधिमूलक शिक्षा आवश्यक रहेको बताएका छन् ।
नवोदित विद्या कुञ्ज उच्च माध्यामिक विद्यालयको ३३ औँ अभिभावक दिवसका अवसरमा आज काठमाडौंमा आयोजित कार्यक्रममा उनले मुलुकको विकासका लागि प्रविधि र सीपमूलक शिक्षा आवश्यक रहेको बताएका हुन् । उनले विद्यार्थीको शैक्षिक गुणस्तर वृद्धि गर्न विद्यार्थी, शिक्षक र अभिभावकबीच सहकार्य आवश्यक रहेको उल्लेख गरे ।
कार्यक्रममा काठमाडौँ महानगरपालिका–२६ का वडाध्यक्ष ख्यामराज तिवारीले नेपाल हरेक वस्तुले धनी मुलुक भएको भन्दै त्यसलाई सही रुपमा उपयोग गर्न व्यावहारिक शिक्षालाई प्राथमिकता दिनुपर्ने बताए । उच्च शिक्षालय तथा माध्यामिक विद्यालय सङ्घ (हिसान) का उपाध्यक्ष एवं लिङ्कन कलेजका अध्यक्ष विष्णुप्रसाद पौडेलले कितावको ज्ञानमात्र नभई व्यावहारिक ज्ञान अहिलेको आवश्यकता भएको बताए ।
नवोदित कलेजका प्राचार्य राजेन्द्र अधिकारी, सहप्राचार्य विकासराज शर्मा, नेपाल सरकारका पूर्वउपसचिव देशबन्धु अधिकारी, नेपाली सेनाका पूर्वजर्नेल धर्म बानियाँलगायतले सामाजिक सञ्जालबाट बालबालिकालाई टाढा राख्न र आफ्ना बाबुनानीलाई अभिभावकले समय दिनुपर्ने बताएका थिए ।
कार्यक्रममा उत्कृष्ट विद्यार्थी तथा अभिभावकलाई सम्मान गरिएको थियो । नवोदित कलेजले पछिल्लो समय प्रत्येक बिहान योग प्रशिक्षण समेत सुरु गरेको छ ।
