सुनको मूल्य तोलामा १६ सय बढ्यो, चाँदीको मूल्यमा नयाँ रेकर्ड

काठमाडौं, मंसिर १४ : साताको पहिलो कारोवार दिन आज (आइतबार) नेपाली बजारमा सुनको मूल्य बढेको छ। 

नेपाल सुन चाँदी व्यवसायी महासंघका अनुसार आज सुन तोलामा १ हजार ६ सय रुपैयाँले बढेको हो। 

शुक्रबार २ लाख ५० हजार ६ सय रुपैयाँमा कारोवार भएको सुन आज २ लाख ५२ हजार २ सय रुपैयाँमा कारोवार भइरहेको छ।

चाँदीको मूल्यमा भने नयाँ रेकर्ड कायम भएको छ। शुक्रबार ३ हजार ३ सय ४५ रुपैयाँमा कारोबार भएको चाँदी आज १४५ रुपैयाँले बढेर ३४ सय ९० रुपैयाँमा कारोवार भइरहेको छ। यो हालसम्मकै उच्च मूल्य हो।