सुनको मूल्य तोलामा २ हजार घट्यो 

काठमाडौं, कात्तिक १० : नेपाली बजारमा सुनको भाउ सोमबार घटेको छ। 

नेपाल सुनचाँदी व्यवसायी महासंघका अनुसार आज सुन तोलामा २ हजार रुपैयाँले घटेको हो।

आज सुन प्रतितोला २ लाख ३९ हजार ९०० रुपैयाँ निर्धारण भएको छ। आइतबार सुन २ लाख ४१ हजार ९ सय रुपैयाँमा कारोबार भएको थियो।  

त्यस्तै चाँदीको भाउ पनि घटेको छ । चाँदी आज प्रतितोला ३५ रुपैयाँले घटेको हो। आइतबार ३ हजार १५ रुपैयाँमा कारोबार भएको चाँदी आज २९ सय ८० रुपैयाँमा कारोबार भइरहेको छ।