बालेन र सुदनविरुद्ध जाहेरी दर्ता गर्न अनेरास्ववियुको टोली जिल्ला प्रहरी परिसरमा

काठमाडौं, असोज २१ : नेकपा एमाले निकट विद्यार्थी संगठन अनेरास्ववियुले प्रहरीमा काठमाडौं महानगरपालिकाका मेयर बालेन साह र हामी

नेपालका संस्थापक सुदन गुरुङविरुद्ध किटानी जाहेरी दिने भएको छ। त्यसका लागि अनेरास्ववियुको टोली जिल्ला प्रहरी परिसर काठमाडौं पुगेको छ।

नेरास्ववियुले तोडफोड, आगजनी र प्रहरी हत्या गरेको विषयमा उनीहरूविरुद्ध उजुरी दिन लागेको हो।

जाहेरी लिएर पुगेका मध्ये केही विद्यार्थी नेताहरुसँग अहिले प्रहरीले छलफल गरिरहेको छ।

२४ भदौमा जेनजी आन्दोलनको क्रममा संसद्देखि सिंहदरबार र प्रहरी कार्यालयहरूमा तोडफोड र आगजनी भएको थियो।

यसअघि आजै जेनजी अगुवाहरुले पूर्वप्रधानमन्त्री केपी ओली, पूर्वगृहमन्त्री रमेश लेखकलगायत नेताहरुलाई पक्राउ गर्ने माग गर्दै दिइएको जाहरीले भने प्रहरीले लिन अस्वीकार गरेको थियो।