कोरोना जितेर घर फर्किए दुई संक्रमित 

काठमाडौं, वैशाख २८ :  प्रदेश १ का दुई जना कोरोना संक्रमित निको भएर घर फर्किएका छन्।

काेशी अञ्चल अस्पतालमा उपचाररत भोजपुरका २६, झापा बाह्रदशीका ४० वर्षीय पुरुष निको भएर घर फर्किएका हुन्। 

योसँगै प्रदेश १ मा कोरोना जितेर घर फर्कनेको संख्या १६ पुगेको छ।  प्रदेश १ मा कुुल ३५ जनामा कोरोना पोजेटिभ देखिएको थियो। जसमा १९ जना उपचाररत छन्।

उपचाररत सबैको अवस्था सामान्य रहेको प्रदेश १ मुख्यमन्त्रीको कार्यालयले जनाएको छ।