खुकुरी प्रहार गरी प्रधानाध्यापकको हत्या

धादिङ, वैशाख २८ : उत्तरी धादिङको गंगाजमुना गाउँपालिका–५ फुलखर्क दाङसिङमा शनिबार निजी विद्यालयका प्रधानाध्याकको हत्या भएको छ। गंगा–जमुना एकेडेमीका प्रधानाध्यापक ३० वर्षीय यमबहादुर गुरुङको हत्या भएको हो। उनको हत्या आरोपमा प्रहरीले छिमेकी ३१ वर्षीय भीमसेन बुढाथोकीलाई आज पक्राउ गरेको छ।

विद्यालय बिदा भएकाले गुरुङ घरमै थिए। शनिबार भारी बोकेर घरबाट मिलमा जान लागेको बेला उनलाई बुढाथोकीले खुकुरी प्रहार गरेका थिए। बुढाथोकीको प्रहारले गम्भीर घाइते भएका गुरुङलाई उपचारका लागि धादिङबेँसी लाँदै गर्दा मृत्यु भएको जिल्ला प्रहरी कार्यालयका प्रहरी नायब उपरीक्षक रुपक खड्काले जानाकारी दिए। आरोपित बुढाथोकी प्रहरीको हिरासतमा छन्। उनलाई कर्तव्य ज्यान मुद्दा लगाइएको छ। 

बुढाथोकीको शव परीक्षणका लागि जिल्ला अस्पताल धादिङमा राखिएको छ।