रविले ३४ दिन गृह मन्त्रालय सम्हाल्दा सबै तस्कर नियन्त्रणमा लिएको मनिष झाको दाबी
सांसद झाले न्यायलयप्रतिको विश्वास कमजोर हुँदै गइरहेको बताए। उनले न्यायलयले न्याय देला भनेर विश्वास गर्ने ठाउँ कहिँकतै नरहेको बताए।-1747637928.png)
काठमाडौं, जेठ ५ : रवि लामिछानेले ३४ दिन मात्रै गृह मन्त्रालय सम्हाल्दासबै तस्करहरु नियन्त्रणमा लिन सकेको दाबी राष्ट्रिय स्वतन्त्र पार्टी (रास्वपा) का सांसद मनिष झाले गरेका छन्।
सोमबार प्रतिनिधिसभाको बैठकमा बोल्दै उनले यस्तो दाबी गरेका हुन्। उनले अहिलेका गृहमन्त्रीले कुनै काम गर्न नसकेको बताए।
‘भर्खरै क्यापिटल नेपाल नामक एउटा मिडियामा समाचार आएको छ र त्यसमा लेखिएको छ–जब गृहमन्त्री रवि लामिछाने आए तब सीमाबाट हुने चोरी तस्करी नियन्त्रणमा ठूलो सफलता मिलेको बताउँछन्,’ उनले भने, ‘तर त्यसपछिका गृहमन्त्रीहरु तस्करी नियन्त्रणमा कुनै काम नगरेको बताउँछन्। यो हो हामीले गर्ने स्टन्ट । राष्ट्रिय स्वतन्त्र पार्टीले ३४ दिनमा गरेको गृहमन्त्रालय सम्हाल्दै गर्दा कसरी तस्करी नियन्त्रण गरेका थियौं भन्ने कुरा स्टन्ट हो?’
सांसद झाले न्यायलयप्रतिको विश्वास कमजोर हुँदै गइरहेको बताए। उनले न्यायलयले न्याय देला भनेर विश्वास गर्ने ठाउँ कहिँकतै नरहेको बताए।
‘आज न्यायलयहरुले विभिन्न संरक्षण त दिइरहेको छ तर यो अभ्यासले गर्दा न्यायलयप्रतिको विश्वास कमजोर भइरहेको छ,’ उनले भने, ‘न्यायलयले न्याय देला भनेर विश्वास गर्ने ठाउँ कमजोर हुँदै गएको छ।’
