प्रचण्ड भन्छन्– ओली सरकार धेरे टिक्दैन

काठमाडौं, वैशाख २ : नेकपा माओवादी केन्द्रका अध्यक्ष पुष्पकमल दाहालले केपी ओली नेतृत्वको वर्तमान सरकार धेरे दिन नटिक्ने बताएका छन्। 

तराई-मधेश जागरण अभियानका क्रममा नवलपुरासी पुगेका अध्यक्ष दाहालले सत्ता गठबन्धनभित्रै असन्तुष्टि बढेकाले सरकार धेरै नटिक्ने बताए। 

‘सरकारप्रति सत्तासाझेदार र जनतामा चरम वितृष्णा फैलिएकाले केपी शर्मा ओली सरकारमा बसिरहनुको अर्थ छैन,’ अध्यक्ष दाहालले पत्रकारहरुसँग भने, ‘ओली सरकारदेखि जनता र कांग्रेस एमालेकै नेता कार्यकर्ता असन्तुष्ट छन्, अब यो सरकारको आयु लामो छैन् ।’

शिक्षक, पत्रकार, लघुवित्त तथा विभिन्न राजनीतिक दल सडक आन्दोलनमा हुँदासमेत सरकारले मुकदर्शक बनेर बसेको दाहालको आरोप छ।