एनआरएनएको फैसला कार्यान्वयन गर्न सर्वोच्चको पत्र
काठमाडौं, फागुन ११ : सर्वोच्च अदालतको फैसला कार्यान्वयन निर्देशनालयलेले एनआरएनको निर्वाचनबारे भएको फैसला कार्यान्वयन गर्न गैरआवासीय नेपाली संघ (एनआरएनए) लाई पत्र पठाएको छ ।
गत वर्षको चैतमा भएको फैसला कार्यान्वयन गर्न सर्वोच्चले पत्र पठाएको हो ।
सर्वोच्चले फैसला कार्यान्वयन गर्नुको सट्टा फैसलामाथि नै प्रश्न उठाउने काम भएको पत्रमा उल्लेख गरेको छ ।
गैरआवासीय नेपाली संघको सचिवालयको नाममा पत्र लेखिएको छ । साथै, पत्रमा एनआरएनको प्रशासनिक कामकारवाही लगायत सबै कागजपत्र उच्चस्तरीय समितिलाई हस्तान्तरण गर्न भनेको छ ।
सर्वोच्चले एनआरएनएका दुई महाधिवेशन खारेज गर्दै ६ महिनाभित्र एकता महाधिवेशन गर्न फैसला गरेको थियो । त्यतिबेला महाधिवेशन र त्यसक्रममा चुनिएका सबै कार्यसमितिलाई अमान्य हुने ठहर भएको थियो ।
प्रकाशित मिति: १९:०६ बजे, आइतबार, फागुन ११, २०८१
प्रतिक्रिया दिनुहोस्
थप समाचार
