काठमाडौंको न्यूनतम तापक्रम कति छ ? 

काठमाडौं, माघ ७ : देशभरको मौसम आज सामान्यतया सफा रहनेछ । हिमाली क्षेत्रका एक, दुई स्थानमा हिमपातको सम्भावना रहेको छ । बाँकी भूभागमा मौसम सफा हुनेछ । 

बिहान तराईका अधिकांश स्थानमा कुहिरो र हुस्सु लागेको छ । पहाडी क्षेत्रमा मौसम सफा रहेको छ । कर्णाली प्रदेशका हिमाली भूभागका थोरै स्थानमा हिमपातको सम्भावना रहेको मौसमविद् रोजन लामिछानेले जानकारी दिए । सुदूरपश्चिम प्रदेशका केही स्थानमा बदली हुनेछ । बाँकी क्षेत्रमा मौसम सफा हुनेछ । 

काठमाडौंमा बिहान पौने ६ बजेको न्यूनतम तापक्रमम ५.४ डिग्री सेल्सियस रहेको छ । दिउँसो २० देखि २२ डिग्री सेल्सियससम्म पुग्नेछ । 

हाल पश्चिमी वायुको प्रभाव रहेको छ । कर्णाली र सुदूरपश्चिम प्रदेशमा पश्चिमी न्यूनचापीय प्रणालीको पनि आंशिक प्रभाव रहेको जल तथा मौसम विज्ञान विभागले जनाएको छ ।