आशिका तामाङ पक्राउ

आशिका तामाङ पक्राउ परेकी छन्। 

बुधबार दिउँसो प्रहरी वृत्त स्वयम्भूको टोलीले तामाङलाई काठमाडौंबाट पक्राउ गरेको हो। 

उनलाई अभद्र व्यवहार कसुरमा पक्राउ गरिएको काठमाडौं प्रहरी परिसरका प्रवक्ता एसपी नवराज अधिकारीले जानकारी दिए। 

गत पुस २६ गते पशुपति क्षेत्र विकास कोषको जाहेरीका आधारमा पक्राउ गरिएको प्रहरीको भनाइ छ। पुस २८ गते प्रहरीले जिल्ला प्रशासन कार्यालय बाट पक्राउ अनुमति लिएको थियो। 

पछिल्लो समय पशुपति क्षेत्र विकास कोष परिसरमा तामाङले महिला प्रहरीलाई दुर्व्यवहार गरेको भिडिओ सामाजिक सञ्जालमा भाइरल बनेको थियो।

पक्राउपछि स्वयम्भू वृत्तले तामाङलाई प्रहरी वृत्त गौशालाको जिम्मा लगाएको छ।