शालीनदीमा स्वस्थानीकाे माहाेल [फाेटाे फिचर]

काठमाडौं, पुस २९ : हरेक वर्षको पौष शुक्ल पूर्णिमाका दिन सुरु हुने हिन्दू धर्मावलम्बीको श्रीस्वस्थानी व्रतकथा तथा माधवनारायणको पूजा आराधना आजदेखि सुरु भएको छ।

प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिनासम्म हरेक दिन घरघरमा स्वस्थानी कथा भन्ने र सुन्ने गरिन्छ।

स्वस्थानी परमेश्वरीको व्रत बसे तथा उनको कथा भने र सुने मनोकांक्षा पूरा हुने धार्मिक विश्वास छ। यसै अवसरमा महिनाभार साँखुस्थित शालीनदीमा ठूलो मेला लाग्ने गर्दछ।

आज साँखुस्थित शालीनदीमा स्नान गर्ने तथा सँगै रहेकाे मन्दिरमा पुजा गर्नेहरुको भीड लागेको छ। बिहान स्नान गरी मध्याहृनकालमा महादेवको पूजा गरिन्छ।