जनमत पार्टीले माइतीघरमा मनायो धोती दिवस [तस्बिरहरू]

काठमाडौं, पुस १७ : जनमत पार्टीले टोपी दिवसको दिन काठमाडौंको माइतीघरमा धोती दिवस मनाएको छ। 

धोती दिवसको सन्दर्भमा विद्यार्थी जनमत संघ र युवा जनमत संघले संयुक्त रूपमा र्‍याली र कोणसभा समेत गरेका छन्। धोती मधेशी समुदायको पहिचान भएको बताउँदै कार्यक्रम नै गरेर धोती दिवस मनाइएको हो। 

आयोजकले धोती लगाएकै आधारमा कसैले पनि कसैमाथि भेदभाव गर्न नमिल्ने बताएका छन्। 

अन्तर्राष्ट्रिय पोसाक दिवसलाई नेपालमा धोती दिवसका रूपमा मनाउन पनि उनीहरुले माग गरेका छन्। ‘धोती भैया भनेर हेप्न पाईंदैन’ लगायत प्ले कार्ड बोकेर जनमत पार्टीका नेता–कार्यकर्ता ¥यालीमा सहभागी भएका थिए। 

धोती संस्कृतिको संरक्षणका लागि आह्वान समेत गरेका छन्। प्रदर्शन र कोणसभामा जनमतका अध्यक्ष सीके राउतसहित पार्टीका नेता र भातृ संगठनका नेताकार्यकर्ता सहभागी थिए।