सूर्यदर्शन ठगी प्रकरणमा पूर्वउपराष्ट्रपति पुनका छोरा दिपेश पनि अभियुक्त 

काठमाडौं, पुस ७ : पूर्वउपराष्ट्रपति नन्दबहादुर पुनका छोरा दिपेशलाई पनि पोखराको सूर्यदर्शन सहकारी संस्थाको रकम अपचलन प्रकरणमा अभियुक्त बनाइएको छ । 

उनीविरुद्ध रास्वपा सभापति रवि लामिछाने, जिवि राई, छविलाल जोशी वञ्जाडेसँगै आइतबार कास्की जिल्ला अदालतमा सहकारी ठगी र संगठित अपराधको कसुरमा मुद्दा दायर गरिएको हो।

जिल्ला सरकारी वकिल कार्यालय कास्कीले  २ करोड १४ लाख ८ हजार ८४३ रूपैयाँ करोड रुपैयाँ बिगो माग दाबी गरेको छ।

उनलाई बुटवलको सुप्रिम सहकारी ठगी प्रकरणमा पनि प्रतिवादी बनाइएको थियो । त्यतिबेला उनी धरौटीमा छुटेका थिए।

सूर्यदर्शन सहकारी ठगी प्रकरणमा उनलाई फरार जनाएर मुद्दा दर्ता गरिएको छ।