‘अहिले लोडसेडिङ भएको होइन्, विद्युत वितरणमा भएको समस्याले विद्युत कटौती भएको हो’

काठमाडौं, पुस ५ : नेपाल विद्युत् प्राधिकरणका कार्याकारी निर्देशक कुलमान घिसिङले विद्यत क्षेत्रमा बजेटको अभाव भएको बताएका छन्।

शुक्रबार नेपाल पूर्वाधार पत्रकार समाजको तेस्रो वार्षिक साधारण सभा तथा दोस्रो अधिवेशनमा बोल्दै उनले धेरै पूर्वाधारहरू बनाउनुपर्ने भए पनि बजेट अभावका कारण बन्न नसकेको बताएका हुन्।

बाटो र बत्तिबो विकास पूर्वाधार विकास ठूलो आधार भएको बताउँदै उनले यसका लागि ठूला लगानी आवश्यकक भएकाले वैदेशिक लगान चाहिने उल्लेख गरे।

‘हामीसँग बजेटको अभाव छ, लिमिटेड मात्र बजेट हामीसँग छ। धेरै पूर्वाधारहरु बनाउनुपर्नेछ, अर्थमन्त्रालयबाट बजेटको धेरै आशा पनि गर्न सकिँदैन। तर यसमा राज्यले बढि हेर्नुपर्छ,’ उनले भने, ‘नेपालको पूर्वाधार क्षेत्रमा ठूलाठूला विकासका परियोजनाहरूको काम भइरहेको छ। बत्ती र बाटोको विकास भएको छ, जुन हाम्रो ठूलो पूर्वाधारको विकासको आधार हो। नेपालको विद्युत् क्षेत्रको ठूलो विकास हुनेछ, यसका लागि ठूलो लगानी आवश्यक छ। ठूला परियोजनहरूका लागि वैदेशिक लगानी चहिन्छ।’

घिसिङले देशमा लोडसेडिङ हुँदा रमाउने जमात देखिएको बताए। उनले लोडसेडिङ हुँदा रमाउने जमातले नै लोडसेडिङको हल्ला फैल्याएको उनको आरोप छ। 

‘नेपालमा नकारात्मक कुराहरुको जमात बढ्दो  । देशमा लोडसेडिङ हुँदा रमाउने जमात धेरै देखेँ। लोडसेडिङ हुँदा रमाउने जमातले नै लोडसेडिङको हल्ला फैल्याइरहेका हुन्छन्,’ उनले भने, ‘तर  विद्युत प्राधिकरण नाफामा गयो भन्नासाथ एकदमै खुसी नहुँने र घाटामा गयो भने एकदमै खुसी हुने जमात पनि छ।’

कार्याकारी निर्देशक घिसिङले अहिले लोडसेडिङ नभएर आयोजनाहरूमा आएको प्राविधिक कारणले केही घण्टा जलविद्युत् वितरणमा समस्या भएको बताए। माथिल्लो तामाकोसी र कालीगण्डकी बन्ने बित्तिकै लोडसेडिङको समस्या समाधान हुने उनको भनाइ छ।