पत्रकार महासंघको महासचिवमा दाहाल विजयी

काठमाडौ, पुस १ : नेपाल पत्रकार महासंघको महासचिवमा रामप्रसाद दाहाल निर्वाचित भएका छन् । दाहालले निकटम प्रतिद्वन्द्वी लेखनाथ न्यौपानेलाई पराजित गर्दै महासंघको महासचिवमा निर्वाचित भएका हुन् । 

दाहालले ४ हजार ८४ मत प्राप्त गरे भने न्यौपानेले १ हजार ९२९ मत प्राप्त गरको  निर्वाचन समितिले जनाएको छ । यसैगरी सोही पदमा उम्मेदवार जन्मदेव जैशीले १ हजार १५८ मत प्राप्त गर्दा  प्रकाश थापाले ४८८ मत प्राप्त गरे । महासंघको अध्यक्षमा भने निर्मला शर्मा विजयी भएकी छन् । पत्रकार महासंघको नयाँ नेतृत्व चयनका लागि शुक्रबार निर्वाचन भएको थियो । 

यसअघि महासंघको सचिव पदमा बसेर काम गरिसकेका दाहाल श्रमजीवि पत्रकारका पक्षमा वकालत गर्दै आएका छन् । हाल प्रेस काउन्सिलको बोर्ड सदस्य समेत रहेका दाहाल रातोपाटी डटकमको सम्पादकमा कार्यरत रहेका छन् ।