आँबुखैरेनीमा चितुवाको त्रास
वन कार्यालयले राति घरगोठ उज्यालो राख्न, एक्लै नहिँड्न, बच्चा तथा वृद्धको विशेष ख्याल गर्न अनुरोध गरेको छ।
तनहुँ, मंसिर ३० : आँबुखैरेनी गाउँपालिका–३ का पानीघट्टा, आपचौतारा, चोकचिसापानी क्षेत्रमा दिनहुँ चितुवा देखिन थालेपछि यहाँका स्थानीय त्रसित भएका छन्।
पानीघट्टा क्षेत्रमा साँझपख चितुवा देखिएपछि स्थानीयवासी त्रसित भएका वडाध्यक्ष दिनेश केसीले बताए।
स्थानीयलाई आक्रमणबाट जोगाउन डिभिजन वन कार्यालयसँगको सहकार्यमा ती स्थानमा खोर राख्ने प्रयास थालिएको उनले जानकारी दिए। उनले ती क्षेत्रका स्थानीयलाई सतर्क रहन आगह गरेका छन्।
यसअघि चोकचिसापानीमा एउटा खोर राखिएको थियो।
गत शुक्रबार चोकचिसापानीमा दुईवटा चितुवा देखिएका थिए। एउटा चितुवालाई लामो समयसम्म रुखमा देखिएको स्थानीयले बताएका छन्।
वन कार्यालयले राति घरगोठ उज्यालो राख्न, एक्लै नहिँड्न, बच्चा तथा वृद्धको विशेष ख्याल गर्न अनुरोध गरेको छ।
प्रकाशित मिति: ११:४४ बजे, आइतबार, मंसिर ३०, २०८१
प्रतिक्रिया दिनुहोस्
थप समाचार
